Жаңалықтар 19.03.2020 сағат 15:45

Коронавирус жұқтырған адамдардың тұрған үйі оқшаулануы мүмкін бе? - әкімдік жауабы

Бұған дейін коронавирус жұқтырған адам тұрған Алматыдағы «Сұңқар» тұрғын үйі оқшауланған болатын.
Коронавирус жұқтырған адамдардың тұрған үйі оқшаулануы мүмкін бе? - әкімдік жауабы
Бөлісу
Бөлісу
Бөлісу

Елорда әкімінің орынбасары Бахтияр Мәкен «Елордада коронавирус жұқтырған адам тұрған тұрғын үй оқшаулануы мүмкін бе?» деген сұраққа жауап берді.

«Карантин жүргізу үшін тұрғын үйді оқшаулау – дұрыс емес, себебі қандай да бір диагнозы анықталған науқас жедел түрде ауруханаға жатқызылады», – деді Бахтияр Мәкен Орталық коммуникациялар қызметінде өткен брифингте.

Оның айтуынша, адам өзін нашар сезініп, жедел жәрдем қызметін шақырса, бірден ауруханаға жатқызылады.

«Егер ол туыстарымен немесе тұрғын үйдегі адамдармен қарым-қатынаста болса, олар карантинге жатқызылады», – дейді ол.

Бұған дейін коронавирус жұқтырған адам тұрған Алматыдағы «Сұңқар» тұрғын үйі оқшауланған болатын.

Еске ала кетейік, қазіргі уақытта Алматы бойынша-19 науқас, Нұр-Сұлтанда – 25 науқас бар. Елімізде коронавирустық инфекцияны жұқтырудың 44 жағдайы тіркелген.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар