Бүгін бокстан WBA/IBF/WBC нұсқаулары бойынша орат салмақта әлем чемпионы Қазақстандық танымал боксшы Геннадий Головкиннің туған күні.
Қазақстандық кәсіби боксшы Геннадий Геннадиевич Головкин 1982 жылы 8 сәуірде Қарағанды қаласында шахтердің отбасында дүниеге келген. Биыл 38 жаста.
Отандасымыз кәсіби бокста алғаш рет орташа салмақпен (72 келіге дейін) 2006 жылы айқасқа шықты. Ол алғашқы сегіз шайқаста да қарсыласын уақытынан бұрын тізе бүктіріп, жеңіске жетті. 2007 жылдың қыркүйегінде француз боксшысы Мехди Боудламен (11-1) кездесіп, оны ұпай саны бойынша жеңді. 2008 жылдың сәуірінде Иан Гарднерді (20-3) жеңіп, дәл сол жылдың қараша айында неміс спортшысы Малик Дзиарр (29-3) екінші раундта күресті жалғастырудан бас тартып, Головкин жеңімпаз атанды.
Геннадий 2007 жылдың 7 шілдесінде (07.07.07) шаңырақ көтерді. Ол сүйіктісімен жеті жыл кездескен. Головкиннің жүрегін жаулаған Алина Қарағанды қаласының тумасы. Оның екі жоғары білімі бар және екі шет тілін еркін меңгерген. 2009 жылы ерлі-зайыптылар ұлды болды. Головкин ұлының есімін әскерде қайтыс болған ағасының құрметіне Вадим деп атады. Алайда, Вадим әкесінің жолын қуып боксшы емес, хоккейші болуды армандайтын көрінеді. Себебі, бала әзірден хоккейге қатысады. Ал 2017 жылы 9 қыркүйекте Головкин қызды болып, екінші рет әке атанды.