Жаңалықтар 29.02.2016 сағат 03:14

Тәжік әйелдері Рахмонның табаны тиген төсенішті тәбәрік қып алуға таласады

Гисар ауданының әйелдермен жұмыс бөлімі Эмомали Рахмонның аяғының астына төселген 200 метрлік төсенішті тең бөліп беру үшін белсенді келіншектер мен жасы үлкен әйелдерден тізім жасаған. Бұл туралы "Орталық Азия жаңалықтары" хабарлады.

Бөлісу
Бөлісу
Бөлісу

Гисар ауданының Алмоси жамағатында тұратын Бибісайрам Кароматуллоеваға Тәжікстан президенті Эмомали Рахмонның жолына төселген «пояндоз» деп аталатын матадан аппақ астарының жыртысы ғана тиген. Кішкентай шүберекті әйел баласының тойына ырымдап сақтап қойған. Матаның бір бөлігін жалынып сұраған соң, көрші әйелге жыртып беріпті.

Жергілікті билік Бибисайрамға президенттің пәрменімен "қасиетке ие" барқыт «пояндоздың» негізгі матасынан да үлес тиетінін айтып жұбатқан.

Гисар шенеуніктері бұрын президенттің аяғына кілем төсеген, бірақ қажылықтан кейін Рахмонның жолына қызыл барқыт төселе бастады. Президент бұл матаны кейін ауданға еңбегі сіңген әйелдерге таратып беруді тапсырған.

Әдетте Тәжікстанда «пояндозды» үйлену тойларында, әскерден баласы келгенде, қажылықтан оралғанда құрметті қонақтарға құрмет белгісі ретінде аяқтарының астына төсейді. Той иесі «пояндоздың» үстімен өткен соң, оны бірден жиналғандар мата ғып бөліп алады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар