$ 449.58  486.94  4.86

Сыр студенттері Шығыс ғұламасы жайлы ізденуде

Онлайн кездесу барысында жастарға әл-Фарабидің ғылымға енгізген жаңалықтары туралы айтылды.

Шығыс ғұламасы Әбу Насыр әл-Фарабидің 1150 жылдығына орай Сыр өңірінде онлайн форматындағы шаралар жүзеге асуда. Әлемнің екінші ұстазы атанған әл-Фараби мұрасын насихаттау мақсатында Қорқыт Ата атындағы Қызылорда мемлекеттік университетінің ұжымы студенттерге құнды ақпараттар беріп келеді. Мәселен, бүгін университеттің инженерлі-технологиялық институтына қарасты «Электр энергетикасы және өміртіршілік қауіпсіздігі» кафедрасы оқытушы-профессорларының ұйытқысымен «Әл-Фараби – Шығыстың ғұлама ғалымы» атты онлайн іс-шара ұйымдастырылды. Аталған шара «Classroom» платформасы арқылы өтті.

«Онлайн жиынның негізгі мақсаты – білім алушы жастарға адамзат үшіт құнды мұра қалдырған екінші ұстаз Әбу Насыр әл-Фарабидің өмірі мен шығармашылығы, рухани әлемі туралы кеңінен мағлұмат беріп, білім көкжиегін кеңейту», - дейді ұйымдастырушылар.

Онлайн кездесу барысында жастарға әл-Фарабидің ғылымға енгізген жаңалықтары туралы айтылды. Сонымен қатар, Шығыс ойшылының нақыл сөздері, трактаттары оқылды. Студенттер тарапынан ғұламаның ғылыми еңбектеріне байланысты бірқатар сұрақтар қойылып, ұстаздар мен жастар өзара пікір алмасты.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары

Тегтер:

#әлФараби