$ 449.58  486.94  4.86

«Қазақстан темір жолы» қатардағы 13 мыңнан астам қызметкерін қысқартатын болды

«Қазақстан темір жолы» ҰК» АҚ басқарма төрағасы Сауат Мыңбаев бұл шешімнің жолаушылар тасымалының тоқтатылуына және компанияның жұмсаған шығындарына байланысты жүзеге асып жатқанын түсіндірді.

«Қазақстан темір жолы» ҰК» АҚ орталық аппараттың қатардағы қызметкерлері мен басқарушы директорларының санын қысқарту туралы шешім қабылданды, деп хабарлайды Skifnews.kz ақпарат порталы, Uzyn Qulaq Telegram-арнасына сілтеме жасап.

Биыл компанияның 7 мыңнан астам қызметкері қысқартылады. Олар – шаруашылық цехының қызметкерлері, локомотив және жөндеу бригадалары, сондай-ақ, жүк автокөлік жүргізушілері.

«Қазақстан темір жолында» 900 қызметкерге дефектоскопты арбалар операторларының штатын қысқарту, сондай-ақ, Маңғыстау, Ақтөбе, Атырау, Қызылорда және Орал қалаларындағы жүк тасымалдау бөлімшелерінің 2 мыңнан астам теміржолшысын жұмыстан шығару жоспарлануда.

Сонымен қатар, қазақстандық компанияда 3,5 мыңнан астам әскерилендірілген күзет қызметкері қысқарды. Нәтижесінде, осы жылы «Қазақстан темір жолы» 13 мыңнан астам қызметкерінен айырылады.

Компанияның қатардағы қызметкерлерінен басқа, орталық аппараттың 9 басқарушы директоры да қысқартылады.

«Қазақстан темір жолы» ҰК» АҚ басқарма төрағасы Сауат Мыңбаев бұл шешімнің жолаушылар тасымалының тоқтатылуына және компанияның жұмсаған шығындарына байланысты жүзеге асып жатқанын түсіндірді.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары