Жаңалықтар 17.06.2020 сағат 16:20

Депутаттар қосымша карантин шараларын ұлттық деңгейде енгізу мүмкіндігін қарастыруды ұсынды

Індеттің өршуіне адамдардың қауіпсіздік талаптарын сақтамауы себеп болып отыр.
Депутаттар қосымша карантин шараларын ұлттық деңгейде енгізу мүмкіндігін қарастыруды ұсынды
Фото: ашық дерек көзі
Бөлісу
Бөлісу
Бөлісу

Бүгін Парламент Мәжілісінің жалпы отырысында ұлттық деңгейде қосымша карантин шараларын енгізу мәселесі көтерілді. «Ақ жол» фракциясының депутаттары Үкімет басшысы Асқар Маминнің атына депутаттық сауал жолдады, деп хабарлайды Skifnews.kz ақпарат порталы Қазақстан телеарнасына сілтеме жасап.

Мәжілісмен Меруерт Қазбекова карантин режимі жеңілдегеннен кейін бірқатар өңірде вирус жұқтырғандар мен қайтыс болғандар саны күрт өскенін мәлімдеді. Осы орайда депутаттарға тест тапшылығына және науқастарға лық толы провизорлық орталықтарда емдеу процедуралары жүргізілмейтініне қатысты шағымдар келіп түсуде.

«Індеттің өршуіне адамдардың қауіпсіздік талаптарын сақтамауы себеп болып отыр. Сондықтан біз жағдай ушығып тұрған аймақтарда карантинді күшейтуді қолдаймыз», - деді депутат.

Бұл тұрғыда ол қосымша карантин шараларын ұлттық деңгейде енгізу мүмкіндігін қарастыруды ұсынды.

«Әсіресе, тұрғындарды тестілермен қамтамасыз ету қажет, соның ішінде тұрмысы төмен азаматтарды тестілеуден тегін өткізген жөн», - деді халық қалаулысы. Тіпті, қажет болса, шалғай ауылдардың тұрғындарын тестілеуден өткізу үшін және ауруларды бос емханаларға эвакуациялау үшін санитарлық пойыз ұйымдастыру керек, деп санайды депутаттар.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар