Жаңалықтар 25.06.2020 сағат 15:00

42 500 теңге әлеуметтік көмек тағы беріле ме?- министр жауабы

Мемлекеттік әлеуметтік сақтандыру қорының қаржылық мүмкіндігі шектеліп отыр.
42 500 теңге әлеуметтік көмек тағы беріле ме?- министр жауабы
Фото: kursiv.kz
Бөлісу
Бөлісу
Бөлісу

Төтенше жағдай режимі кезінде жұмыссыз қалған азаматтарға төленген 42 500 теңге әлеуметтік көмек енді берілмейді, деп хабарлайды Skifnews.kz ақпарат порталы Қазақпаратқа сілтеме жасап.

Бұл туралы ҚР Еңбек және халықты әлеуметтік қорғау министрі Біржан Нұрымбетов айтты.

«Енді 42 500 теңге төленбейді. Оны жоспарлап та отырған жоқпыз. 42 500 әлеуметтік төлеміне бюджеттен қаржы қарастырылмаған. Мемлекеттік әлеуметтік сақтандыру қорының активтерін сату есебінен түскен қаражат пайдаланылған болатын», - деді министр Орталық коммуникациялар қызметіндегі брифинг барысында.

Министр бұл жұмыстардың барысында Еңбек министрлігіне еліміздің Ұлттық банкі көмек көрсеткендігін баса айтты.

«Бұл тұрғыда бізге Ұлттық банк көп көмегін көрсетті. Ол қор активтерін сату, қаржы құралдарын жабу арқылы қажетті ақша қаражатын босатып берді. Соның арқасында Мемлекеттік әлеуметтік сақтандыру қоры 322 млрд теңге активін жұмсап, 4 млн 607 мың адам 42 500 теңгеден алды. Сол себепті бүгінгі күні Мемлекеттік әлеуметтік сақтандыру қорының қаржылық мүмкіндігі шектеліп отыр. Егер ахуалға байланысты қандай да бір төлемдер жасау қажеттілігі туындап жататын болса, онда басқа қаржы көздері табылып қалар», - деді Біржан Нұрымбетов.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар