Жаңалықтар 03.07.2020 сағат 16:00

«Адамдар жаппай көз жұма бастаған соң ғана есімізді жиғандай болдық» - еріктінің карантинге қатысты пікірі

Спикер әкімдерге жасалған сөгіс пен ескертудің баршамызға қатысты екенін айтты.
«Адамдар жаппай көз жұма бастаған соң ғана есімізді жиғандай болдық» -  еріктінің карантинге қатысты пікірі
Фото: ашық дерек көзі
Бөлісу
Бөлісу
Бөлісу

Қоғам белсендісі, «Волонтерлер лигасы» қоғамдық қорының төрағасы Айсұлу Ерниязова карантинді қатаңдату шаралары туралы пікір білдірді, деп хабарлайды ҚазАқпарат.

«Тағы да жауыр болған тақырыпқа оралайық. Президент карантинді қатаңдату шараларын әзірлеуді тапсырды. Өйткені, елімізде төтенше жағдай мен карантин түсініктерінің айырмашылығын, бірін алғанымен, екіншісі қалғанын түсінгендер аз болды. Әрине, барлығы шаршады, мұны жақсы түсінемін. Кей адамдар бірден қыдыруды бастады. Адамдар жаппай көз жұма бастаған соң ғана есімізді жиғандай болдық», - деп жазды қоғам белсендісі Instagram желісінде.

Спикер әкімдерге жасалған сөгіс пен ескертудің баршамызға қатысты екенін айтты.

«Қасым-Жомарт Кемелұлы әкімдерге ескерту мен сөгіс жариялады, өйткені олар – халық үшін жауапты тұлғалар. Бірақ бұл – баршамызға арналған ескерту. Сонымен бірге бізге жасалған қамқорлық! Сондықтан да, шектеулерді күшейту шараларына түсіністікпен қараған жөн. Бұл – біздің өз денсаулығымызға және айналамыздағы адамдарға салғырт қарамауымыз үшін қажетті шаралар. Барлық мәселелердің шешімі бар, ең бастысы #Birgemiz және осылай ғана жеңіске жетеміз. Бәріміз бір-біріміз үшін жауаптымыз», - дейді Айсұлу Ерниязова.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар