Жаңалықтар 14.07.2020 сағат 23:01

«Үйге баруға қорықтық» деген дәрігердің «жолы болып кетті»

Ол екі апта бойы жұмыс орнында түнегенін айтқан болатын.
«Үйге баруға қорықтық» деген дәрігердің «жолы болып кетті»
Бөлісу
Бөлісу
Бөлісу

Қызылорда облыстық Денсаулық сақтау басқармасына жаңа басшысы тағайындалды, деп хабарлайды Baq.kz

Осыған дейін №1 Алматы қалалық клиникалық ауруханасының "Smart Healt University" ЖШС медициналық директоры болған Сәбит Пазылов енді осы қызметті атқарады.

Сәбит Пазылов 1975 жылы дүниеге келген. С. Асфендияров атындағы Қазақ мемлекеттік медицина, Almaty Management University (бұрынғы Алматы халықаралық бизнес академиясы) университеттерін бітірген. Еңбек жолын 1998 жылы А.Н. Сызғанов атындағы ұлттық ғылыми хирургиялық орталығында клиникалық ординатор ретінде бастаған. Әр жылдары аталған орталықта жауапты қызметтер атқарды. Ал 2009-2015 жылдары №4 Алматы қалалық клиникалық ауруханасы бас дәрігерінің хирургия жөніндегі орынбасары, Сызғанов атындағы Ұлттық ғылыми хирургиялық орталықтың бас дәрігері, аталған орталықтың бас директорының стратегиялық даму жөніндегі орынбасар болды. 2015-2019 жылдары Қызылорда облыстық медициналық орталығының директоры, Алматы қалалық медициналық жедел-жәрдем станциясы бас дәрігері қызметтерін атқарды. 2019 жылдан бастап осы кезге дейін №1 Алматы қалалық клиникалық ауруханасының "Smart Healt University" ЖШС медициналық директоры болды.

Айта кетейік, сәуір айында Сәбит Пазылов №1 қалалық клиникалық аурухананың медициналық директоры болып жүргенде, екі апта бойы жұмыс орнында түнегенін айтқан болатын.

 Біздің ауруханада шетелден келген азаматтарды карантинге жатқызу үшін уақытша стационар орналастырылды. Карантинге келушілерді қорғаныс костюмдерінде қарсы алып, 14 күнге жатқызамыз. Жолаушылар 13-14 наурызда келді. Қызметкерлермен бірге олардың әрқайсысын жеке-жеке қабылдадық. Үйге баруға қорықтық, - деген еді ол.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар