«Арыз жаз деді»: Диас Ахметшәріп қызметінен кетті

Денсаулық сақтау министрлігінің ресми өкілі Диас Ахметшәріп қызметінен кетті, деп хабарлайды Skifnews.kz ақпарат порталы.

Бұл туралы Диас Ахметшәріп Facebook-тегі парақшасында мәлімдеді.

"Құрметті достар! Бүгін менің денсаулық сақтау министрлігіндегі соңғы жұмыс күнім. Басшылық арыз жаз деді. Жаздық. Ер адамның басынан не келіп не өтпейді. Хош. Ең алдымен барлық журналист әріптестеріме алғысымды білдіремін. Талай еңбек атқардыңыздар!
Артық кеткен кездерім болса - кешірім сұраймын!!!!
Барлық еңбегім - тек халқым үшін. Ауырмаңыздар! Коронавирусты жеңіп шығайық.
Денсаулық Сақтау министрлігіндегі әріптестеріме, барлық дәрігерлерге, медперсоналға тек қана шыдамдылық пен жеңіс тілеймін! Еліміз тыныш, халқымыз аман болсын", - деп жазды журналист Д. Ахметшәріп.