Жаңалықтар 02.08.2020 сағат 11:10

Статистика: Коронавирус бойынша 1 тамыздағы эпидемиологиялық жағдай

Соңғы бір тәулікте 36 адам қайтыс болды.
Статистика: Коронавирус бойынша 1 тамыздағы эпидемиологиялық жағдай
Бөлісу
Бөлісу
Бөлісу

Қазақстан Республикасында COVID-19 бойынша жаңартылған статистиканың алғашқы нәтижелерін ДСМ ресми өкілі Бағдат Қожахметов жариялады, деп хабарлайды Azattyq Rýhy.

1 тамыздағы жағдай бойынша, COVID-19 зертханалық расталған жағдайлардың саны - 1226, соңғы бір тәулікте 36 адам қайтыс болды. Анықталмаған этимологиясы бар, бірақ коронавирустық инфекцияның клиникалық және эпидемиологиялық белгілері табылған пневмониямен ауырғандар саны – 5181. Өткен тәулікте пневмония диагнозымен 30 өлім жағдайы тіркелді.

«COVID–19 және пневмония жағдайлары бойынша деректердің барынша ашықтығын қамтамасыз ету мақсатында Қазақстан Республикасы Денсаулық сақтау министрлігі 18 шілдеден бастап статистикалық деректерді есепке алу мен қалыптастырудың жаңа тәсілдерін айқындады. ДДСҰ-ның Еуропалық аймақтық Бюросымен бірқатар техникалық консультациялардан кейін аурулардың халықаралық жіктемесінің жаңа кодтары бойынша COVID-19 жағдайларын кодтауға және есепке алуға көшу туралы шешім қабылданды. 2020 жылдың 1 тамызынан бастап COVID-19 зертханалық расталған жағдайлары коронавирус инфекциясының клиникалық және эпидемиологиялық белгілері бар ПТР тесттің теріс нәтижесі, пневмония жағдайлары ескеріледі», - деп жазылған хабарламада. 

Коронавирус инфекциясы және пневмонияны есепке алудың өзгертілген тәсілдері аурудың дұрыс болжамдарын жасауға, қажетті ресурстарды: медициналық кадрларды, төсек-орындарын, медициналық жабдықтарды, дәрілік заттарды барабар жоспарлауға, сондай-ақ статистиканың ашықтығын қамтамасыз етуге мүмкіндік береді. 

«Бұл біздің мемлекетіміздің коронавирустық пандемияға бірлесіп қарсы тұруға және оның салдарын халықаралық қауымдастықпен тығыз байланыста зерттеуге дайын екендігінің ашық саясатын көрсетеді. Қазақстан Республиканың денсаулық сақтау министрлігі коронавирустық инфекция бойынша статистикалық деректердің дұрыстығын қамтамасыз ету үшін кодтау алгоритмі мен ақпараттық жүйелерге деректерді енгізу жөніндегі нұсқаулықты әзірледі, АХЖ-10 жіктемесінде COVID-19 кодтарын тағайындауға қатысты медицина қызметкерлерін оқытты», - делінген хабарламада.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар