Жаңалықтар 03.08.2020 сағат 12:40

«Коронавирус пен пневмония деректерін біріктіруге екі апта қажет болды» - министр

Жоғары температура, құрғақ жөтел, интоксикация, тыныс алу жеткіліксіздігінің белгілері сияқты клиникалық белгілерге сәйкес болуы қажет
«Коронавирус пен пневмония деректерін біріктіруге екі апта қажет болды» - министр
фото: azh.kz
Бөлісу
Бөлісу
Бөлісу

Денсаулық сақтау министрі Алексей Цой ҚР Президенті жанындағы Орталық коммуникациялар қызметі алаңында өткен онлайн брифинг барысында коронавирус және пневмония деректерін біріктіруге екі апта қажет болғанын ашық айтты. Бұл туралы Baq.kz хабарлады.

"Дүниежүзілік денсаулық сақтау ұйымының (ДДСҰ) Еуропалық аймақтық бюросы жүргізген техникалық консультацияларды ескере отырып, аурулардың халықаралық жіктемесінің жаңа кодтары бойынша COVID-19 жағдайларын кодтауға және есепке алуға көшу туралы шешім қабылданды. Осылайша, 1 тамыздан бастап COVID-19-дың зертханалық расталған жағдайлары ПТР тесті теріс нәтижелі болса да, COVID-19-дың клиникалық және эпидемиологиялық белгілері бар пневмония жағдайларымен біріктірілді. ДДСҰ бұл туралы 18 шілде хабарлады. Ал Қазақстан неге 1 тамыздан бастап қана біріктіреді? деген сұрақтар болды. Оған себеп біреу – бізге науқастарды тіркеудің шынайы тізімін әзірлеу үшін кем дегенде екі апта қажет болды. Бұл бағыттағы ақпараттық жүйені реттеу керек. Республика бойынша медицина персоналын мәліметтерді дұрыс енгізуге үйрету керек болды. Бұл күрделі әрі ауқымды процесс", - деді Цой.

Министр коронавирустық инфекция кодтау алгоритміне сәйкес анықталатынын айтты.

"Коронавирустық инфекцияны кодтау алгоритміне сәйкес, біз қазір расталған жағдайлар бойынша U07.1 кодын және расталмаған немесе ықтимал жағдайлар үшін U07.2 кодын қолданамыз. Бұл дегеніміз, бірінші және екінші коды бар науқастар COVID-19 індетін жұқтырғанын білдіреді. Бірінші код анықтамасы түсінікті. Ал, U07.2 коды болған жағдайда коронавирустық инфекция эпидемиологиялық белгілері бойынша диагноз қойылуы керек. Жоғары температура, құрғақ жөтел, интоксикация, тыныс алу жеткіліксіздігінің белгілері сияқты клиникалық белгілерге сәйкес болуы қажет", - деді ол.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар