Жаңалықтар 03.08.2020 сағат 18:00

«Телефонмен көңіл айтыңыз»: денсаулық сақтау вице-министрі қазақстандықтарға кеңес берді

Бұл инфекциялық ауру болғаннан кейін адамнан адамға жұғып, тоқтамай жатыр.
«Телефонмен көңіл айтыңыз»: денсаулық сақтау вице-министрі қазақстандықтарға кеңес берді
Фото: baq.kz
Бөлісу
Бөлісу
Бөлісу

Денсаулық сақтау вице-министрі Ажар Ғиният қазақстандықтарды құттықтауды да, көңілді айтуды да телефон арқылы жеткізуге үндеді, деп хабарлайды Sputnik Қазақстан.

Вице-министрдің айтуынша, бүгінде эпидемиологиялық жағдай жақсарса да, өлім-жітім тыйылған жоқ. Ал қайтыс болған науқастардың 90 проценті артериялық гипертензия, жүректің ишимиялық аурулары мен қант диабетіне шалдыққан. Көбісі семіздіктен жапа шеккен.  

"Осыған байланысты барлық емханаға нұсқау берілді. Созылмалы ауруы бар адамдар емханаға қаралса, оларды дер кезінде ауруханаға жатқызу қажет. Сөйтіп, ауруды асқындырып алмай, емдеген жөн", - деп атап көрсетті  Ғиният.

Оның сөзіне қарағанда, қайтыс болған науқастардың медициналық құжаттарын тексергенде көп адамның эпидемиологиялық жағдайға қарамастан, көпшілік шараларға, соның ішінде тойға барғаны белгілі болды. Ал ондай жерде бір науқас біраз адамға инфекция жұқтырады. Олардың 20 проценті ауруханаға ауыр жағдайда түсіп жатады.

"Сондықтан дәрігерлердің атынан, денсаулық сақтау министрлігінің атынан көпшілік шараларға бармауыңызды сұраймыз. Біреуді құттықтаймын десеңіз, я болмаса, көңіл айтсаңыз, телефон арқылы жасағаныңыз жөн. Өйткені өлім-жітімнің болуы, эпидемиологиялық жағдайдың асқынуы медицина мамандарына ғана емес, барша азаматқа тікелей байланысты. Бұл инфекциялық ауру болғаннан кейін адамнан адамға жұғып, тоқтамай жатыр", - деп түйіндеді Ғиният.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар