Жаңалықтар 07.08.2020 сағат 03:54

Нұр-Сұлтан мектептеріне жаңа оқулықтар таратылып жатыр

Екі апта ішінде елордаға шамамен 20 КамАЗ-бен 750 тонна оқулық әкелінген.
Нұр-Сұлтан мектептеріне жаңа оқулықтар таратылып жатыр
Бөлісу
Бөлісу
Бөлісу

Нұр-Сұлтан қаласының білім басқармасы мен «Астана – адалдық алаңы» жобалық кеңсесінің қызметкерлері қаладағы жалпы білім беретін мектептерге кітаптардың таралуын қадағалап, көшпелі мониторинг жүргізді. Ол туралы толыққанды ақпарат Нұр-Сұлтан қаласы әкімдігінің ресми сайтында жарияланды.

Осылайша, қазір елордада жаңа оқу жылына дайындық жалғасып, мектептер жаппай оқулықтармен қамтамасыз етіліп жатыр.

"Бұл қоймада 1-11 сыныптарға арналған 19 баспаның оқулықтары бар. Осы жерден барлық мектептер кестеге сәйкес оқулықтар алады. Бүгінгі таңда 35 мектеп кітап алды", - дейді қалалық білім басқармасы басшысының орынбасары Бағлан Сматаева.

Бұл ретте санитария нормалары қатаң сақталады. Екі апта ішінде елордаға шамамен 20 КамАЗ-бен 750 тонна оқулық әкелінген. Олар мектептерге бөлінуде. Оқу құралын уақытылы жеткізуді мониторинг тобы қадағалайды.

"Қалалық білім басқармасымен бірлесе отырып, Қосшы ауылындағы мектепке барып, оқулықтарды 1-11 сыныптарға тараттық. Атап айтқанда, оқулықтардың №54 мектеп-лицейге жіберілуін қадағаладық. Біз бұл үдерісті толық бақылаймыз", – дейді Нұр-Сұлтан қаласы әкімдігі «Астана-адалдық алаңы» жобалық кеңсесінің үйлестірушісі Сәуле Бисембаева.

Еске сала кетсек, Қазақстанда биыл еліміздің барлық мектептеріндегі 1-11 сынып оқушыларын қашықтан оқыту жоспарланған. Осыған байланысты білім басқармасына және мектеп директорларына барлық мектептердің қашықтан оқытуға дайындығын қамтамасыз ету тапсырылды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар