Жаңалықтар 07.07.2020 сағат 10:48

Түрксіб ауданындағы №61 мектептің кеңейтілген оқу корпусы пайдалануға берілді

Екі ай ішінде ауданда ойын алаңдары мен жаттығу аймағы және заманауи тротуармен қамтылған жаңа саябақ тұрғындар игілігіне берілді.
Түрксіб ауданындағы №61 мектептің кеңейтілген оқу корпусы пайдалануға берілді
Бөлісу
Бөлісу
Бөлісу

Алматыда 40-қа жуық әлеуметтік нысан халық игілігіне пайдалануға берілені белгілі. Оның ішінде Түрксіб ауданындағы №61 мектептің кеңейтілген оқу корпусы да бар, - деп хабарлайды Sn.kz.

Жақында құрылысы аяқталған тағы бір нысан –  №61 мектептің жаңа оқу корпусы. Ғимараттың құрылыс жұмыстарына бір жылдан астам уақыт кеткен. 450 балаға арналған заманауи білім беру кешені жаңа оқу жылын оқушыларды қабылдауға дайын.

«450 орынға арналған мектеп. 19 сынып бар. Соның ішінде 14 сынып 1-ден 8- сыныпқа дейін арналған. Екі сынып мектепке дейінгі дайындық сыныбы,  Үшеуі мультимедиялық сыныптар. Бұл мектеп замануи технологиялармен жабдықталған. Интерактивті тақта, тестілеу құрылғысы қойылды», – деді мердігер компания директорының орынбасары Нұрхан Шәудірбаев.

Оқу ғимаратында мәжіліс залы мен киім ауыстыру бөлмелері де бар. Мұнда мүмкіндігі шектеулі балаларға да жағдай жасалған. Кіреберісте пандус пен дәліз едендерінде тактильді тақтайшалар қойылған. Енді №61 мектепте 800 оқушыға дейін білім ала алады.

Сонымен бірге, әуежай маңында орналасқан Маяк ықшамауданының тұрғындары осы уақытқа дейін орманға айналып бара жатқан жерге саябақ салу мәселесін бірнеше рет айтқан. Тіпті, өткен жылы шаһар басшысымен кездесуде де бұл мәселе көтерілген еді. Екі ай ішінде ауданда ойын алаңдары мен жаттығу аймағы және заманауи тротуармен қамтылған жаңа саябақ тұрғындар игілігіне берілді. 

«Биыл біздің ауданға көп көңіл бөліп жатыр. Енді балаларымызбен бірге серуендеуге, демалуға болатын жер пайда болды. Өте қуаныштымыз. Бұл бастаманы елеп және оны жүзеге асырғандарға алғыс айтамыз», – деді қала тұрғыны Тахир Гуламов.

Қысқа мерзімде салынып, қолданысқа берілген саябақ Буденный көшесінде орналасқан. Қазір онда гүл отырғызу жұмыстары ғана қалған. Тұрғындар өз кезегінде жаңа демалыс орны пайда болғанына ризашылықтарын білдірді.  

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар