Түркістан облысында сот зорлаушы әкені 15 жылға түрмеге жіберді. Бұл туралы Түркістан облысы ПД тергеу басқармасының бастығы Нұрмахан Жалғасов айтты, деп хабарлайды Stan.kz.
Vera.kz басылымының жазуынша, полицияға бұл қылмысты ашу үшін бірнеше ай қажет болды. 2019 жылдың қазан айында Сарыағаш ауданының полициясына жергілікті тұрғын хабарласқан. Әйел бір ай бұрын күйеуі қызын, содан кейін өзін де зорлағанын хабарлады.
Аталған факті ҚР ҚК-нің 121-бабы - "нәпсіқұмарлық сипаттағы зорлық-зомбылық әрекеттері" бойынша тіркеліп, сотқа дейінгі тергеуді басталды. Іс аймақтың полиция департаментінің тергеу басқармасына өтті. Күдікті әрекетін мойындады, бірақ келесі күні кәмелетке толмаған қыздың заңды өкілі болған әйелі өз айғақтарынан бас тартты.
"Әйел күйеуінің жиі мас болуына байланысты оны осылай жазалауды қалағанын айтты. Қыз да дәл осылай айта бастады. Әрине, тергеу барысында біз аймақтың менталитетін, туыстарының ықпалын ескердік. Соған қарамастан сотқа дейінгі тергеуді жалғастыра бердік. Бізге дәлелдерді әрбір бөлшектерден жинауға, сараптама тағайындауға және кәсіби мамандарды да тартуға тура келді. Бұл үшін бірнеше ай қажет болды", - деді Нұрмахан Жалғасов.
Түркістан облысы Әділет министрлігі сот-медициналық сараптама институтының мамандары әйел мен қызға қатысты зорлық-зомбылық фактісін растады. Сонымен қатар, полицейлер елдегі жетекші психологқа кеңес сұрады.
Маманның қорытындысында ананың депрессияға ұшырағаны, ал қыз ересектердің ықпалында екендігі жазылған. Психолог жасөспірімнің қатысуынсыз сот жүргізуді ұсынды. Қызы мен әйеліне қатысты зорлық-зомбылық жасағаны үшін күдікті ер адам колонияға 15 жылға жіберілді.