«Бұл жаныңа батады...»: науқастарды тегін емдеген медициналық орталыққа айыппұл салынды

Фотограф және журналист, бұрынғы дәрігер-педиатр Татьяна Бегайкина "Сұңқар"клиникасында волонтер болып жұмыс істеген кездегі көрген-білгенімен бөлісті. Ол жерде, сондай-ақ "Талант-К" медициналық орталығында пандемия шыңында халыққа тегін көмек көрсетілген. Тамыз айында  санитарлық-эпидемиологиялық тексеруден кейін "Талант-К" орталығына 600 мың теңгеге айыппұл салынды.

"Шаңырақ - бұл элиталы аудан емес. Дәл осындай аудандарға карантин бірінші кезекте әсер етті: сатушылар, құрылысшылар, шағын қызметкерлер болып жұмыс істейтіндерге.  Алдымен олар жұмысынан және ақшасынан айырылды. Содан кейін мемлекеттік медицина әлсіз болды", - деп жазады Татьяна Facebook парақшасында.

Емдеу ақысын төлей алмайтын кедей адамдар - негізгі науқастар болды.

"20 жыл бұрынғы заттар, аяқ киімдері 5 рет тігілген... Олар тауықтың бастары мен аяқтарын сатып алады, ал сорпа жиынтығы - деликатес. Үйінде парацетамол әрдайым бола бермейді, ал емхананың дәрі-дәрмектері құтқарады.  Мен бұған дейін түсінбейтін едім: емханада берілетін белсендірілген көмір, аспирин және басқа да арзан дәрілер кімге керек? Міне, осындай адамдарға қажет. Терісі сұрланып, шаршаған, тозығы жеткен полиэтилен пакеттерін ұстаған адамдар келді. Кедейлік еді. Ал бұл адамдар жұмыс істейді. Олар шамалары келгенше жұмыс істейді, балаларды өсіреді, ешнәрсе сұрамайды және шағымданбайды", - дейді Татьяна.

Оның сөзіне қарағанда, барлық науқастарға жоғары сапалы көмек көрсетілді: "адамгершілік танытқан дәрігерлер, тегін дәрі-дәрмектер, дұрыс емдеу схемалары, қалыпты палаталар және тәжірибелі медбикелер болды".

"Сол кезде мемлекет қайда болды? Мемлекет адамдардың қалай өмір сүретініне мән бермеді, олар үшін статистиканы жасыру маңызды болды. Мемлекеттік медицина өзі қалып, жеке клиникаларға емдеуге мүмкіндік бермеді.

Бірақ бәсекелес шыға салысымен олар да пайда болды. Құдай сақтасын, оларсыз не істейтін еді.

Нәтижесінде, сорпаның өзін мереке және ет деп санайтын өте кедей адамдар емделмей қалды", - деп ашуланды ерікті.

Татьяна аурудың екінші толқынын болмауы мүмкін емес екеніне сенімді, сондықтан дәрігерлер, емханалар мен дәрі-дәрмектер тапшылығы проблемасы қайта пайда болады. Бірақ ол кедейлерге көмектесетін клиникалардың енді қайта ашылатынына күмәнданады.

"Адамдардың тағдыры не болатыны белгісіз... Оларды қорғау үшін не істей алатынымды білмеймін. Бұл жаныңа батады...", - деп түйіндейді Татьяна.

Алматының бас санитарлық дәрігері Жандарбек Бекшин "Талант-К" медициналық орталығына қатысты жағдайды түсіндіре отырып, "медициналық мекеменің қосымша рұқсатының болмауы және санитарлық ережелердің сақталмауын" атап өтті. 

"Бұл медициналық орталықта таза аймақ жоқ, лас аймақ жоқ, яғни қызметкерлерді қорғау үшін жағдай жасалмаған. Санөткізгіштер ұйымдастырылмаған, қызметкерлер үшін сүзгі ұйымдастырылмаған", - деді Бекшин 7 тамызда.