Жаңалықтар 17.09.2020 сағат 14:20

Абақтыға бауырсақтың ішіне телефонды тығып кіргізбек болған азамат ұсталды

Кездесуге келген Ақтөбе облысының 24 жастағы тұрғыны мекемеге тыйым салынған затты «есірткімен айналысу» бойынша қамауда отырған ағасына жеткізбек болған.
Абақтыға бауырсақтың ішіне телефонды тығып кіргізбек болған азамат ұсталды
Бөлісу
Бөлісу
Бөлісу

Ақтөбеде абақтыға телефонды бауырсаққа жасырып кіргізбек болған азамат ұсталды, деп хабарлайды Azattyq Rýhy.

КА-168/1 тергеу изоляторының тәртіп және күзет қызметкерлері аталған мекемеде қамауда отырған сотталғанмен кездесуге келген азаматтың сәлемдемелерін тексеру кезінде, фальга қағазына оралған, қолдан пісірілген бауырсақтың ішінен «Nokia» шағын телефонын тауып, тәркіледі.

Кездесуге келген Ақтөбе облысының 24 жастағы тұрғыны мекемеге тыйым салынған затты «есірткімен айналысу» бойынша қамауда отырған ағасына жеткізбек болған.

«Азамат С. М. өзінің түсініктемесінде кінәсін толық мойындады. Құқық бұзушыға қатысты Қазақстан Республикасының Әкімшілік құқық бұзушылық туралы кодексінің 481-бабы бойынша хаттама толтырылып, материал Ақтөбе қаласының мамандандырылған әкімшілік сотына жолданды. Сонымен қатар, мекемеге ұялы телефон алып кірмек болған азамат 1 жыл бойы мекемеге кездесуге келу құқығынан айырылады», - деп хабарлайды Ақтөбе облысы бойынша Қылмыстық-атқару жүйесі департаментінің баспасөз қызметі.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар