«Қорғас» бекеті Сауда және интеграция министрлігінің құзіретіне беріледі

«Қорғас» шекара маңы ынтымақтастығы халықаралық орталығы Сауда және интеграция министрлігінің құзіретіне берілетін болды. Бұл туралы Үкімет қаулысының жобасы «Ашық НҚА» порталында жарияланды, деп хабарлайды Азаттық рухы порталы. 

Заңнамада белгіленген тәртіп бойынша Алматы облысының әкімдігіне қарасты «Қорғас» шекара маңы ынтымақтастығы халықаралық орталығы» арнайы экономикалық аумағын басқарушы компаниясы» акционерлік қоғамы акцияларының 100 (жүз) пайыз мөлшеріндегі пакеті коммуналдық меншіктен республикалық меншікке беріледі.

«Қаржы министрлігінің Мемлекеттік мүлік және жекешелендіру комитеті Сауда және интеграция министрлігімен бірлесіп, заңнамада белгіленген тәртіппен осы қаулыдан туындайтын қажетті шараларды қабылдасын», - делінген Үкімет қаулысында.

Аталмыш қаулы қол қойылған күнінен бастап қолданысқа енгізіледі.