$ 449.58  486.94  4.86

«Ауру тарайды ма деп қорқамыз»: Павлодарда құстардың өлексесі көшеде шашылып жатыр (ВИДЕО)

лекселерден құс тұмауы белгілері табылмаған.

Павлодар қаласының іргесінде орналасқан Кенжекөл ауылында құстардың өлексесі шашылып жатыр. Тұрғындар ауыл шетінен 20-ға тарта өлексені тапқан.

Геннадий СТЕБЛЮКОВ, КЕНЖЕКӨЛ АУЫЛЫНЫҢ ТҰРҒЫНЫ: Өлген құстар жолдың бойында шашылып жатыр. Иттер тауықтарды ауылға дейін сүйреп әкеліп жүр. Мынандай шашылып жатқан өлекседен ауру тарайды ма деп қорқамыз. Неден қырылып қалғанын да білмейміз.

Ветеринарлар өлекселерді жүк көліктеріне тиеу барысында, құстар тұншығып өлген болуы мүмкін деген болжам айтты. Өлекселерден құс тұмауы белгілері табылмаған. Сондықтан алаңдауға негіз жоқ деді. Дегенмен арқаны кеңге салуға болмайтынын айтады. Өйткені аталған дерттің ошағы Железин және Тереңкөл аудандарында табылыпты. Мұнда 2 мыңнан астам құс қырылған. Қазір елді-мекендерде карантиндік шектеулер енгізілген. Сақтық үшін ондағы барлық құстардың көзі жойылып, иелеріне өтемақы төленбек.

Рашид НҰРБЕКОВ, ВЕТЕРИНАРЛЫҚ БАҚЫЛАУ ЖӘНЕ ҚАДАҒАЛАУ КОМИТЕТІ ПАВЛОДАР ОБЛЫСТЫҚ АУМАҚТЫҚ ИНСПЕКЦИЯСЫНЫҢ БАСШЫСЫ: Құс тұмауын бізге жабайы құстар әкелгені анық. Солар арқылы ауру үй құстарына жұққан. Қазір аурудың алдын алу үшін вакциналау жұмыстарын  жүргізіп жатырмыз.

Дереккөз: "Астана" телеарнасы

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары