Жаңалықтар 01.10.2020 сағат 05:55

Қордайдағы «жаппай тәртіпсіздікке қатысты» деп айыпталғандар сотталды

Бас прокуратураның мәліметінше, қақтығыс кесірінен 164 үй мен сауда орны, 100 көлік қираған. 342 адам зардап шеккен. 400-ден астам экспертиза жүргізіліп, 1 500-ден астам адам сұралған.
Қордайдағы «жаппай тәртіпсіздікке қатысты» деп айыпталғандар сотталды
Бөлісу
Бөлісу
Бөлісу

Кеше Алматы гарнизонының әскери сотында Қордай ауданындағы оқиғаға байланысты күдікке ілінген жеті адамға сот үкімі шықты, деп хабарлайды Aikyn.kz.

Сот үкімі бойынша Абзал Нұра­хановқа Қылмыстық кодекстің 272-бабы бойынша «жаппай тәртіпсіздікке қатысты» және 188-бабына сәйкес «ұрлық жасады» деген айып тағылып, ол 8 жылға бас бостандығынан айырылды.

Судья Бақытбек Ибрагимов деген азаматты «аса ірі көлемде ұрлық жасады» деп 7 жылға соттады. Нұраханов пен Ибрагимов жазасын қатаң режимдегі колонияда өтейді.

Сондай-ақ Мырзағали Дүйсенбаев «аса ірі көлемде ұрлық жасады» деген айыппен 5 жылға сотталды. «Жаппай тәртіпсіздікке қатысты» деп айыпталған Рүстем Бежібаев 5 жылға, Ерлан Бұрал­қынов 3 жыл 20 күнге, Ұлан Атамбаев пен Алмат Тілеуғалиев 3 жылға түрмеге қамалды. Олар жаза­сын қауіпсіздігі орташа түрмеде өтейді.

Естеріңізге салсақ, ақпан айында Жамбыл облысының Қордай ауданында қазақтар мен дүнгендер ара­сында қақтығыс болған еді. Оқиға кезінде 11 адам қаза тапты. 59 адам­ның үстінен 120-дан астам қылмыстық іс қозғалды.

Бас прокуратураның мәліметінше, қақтығыс кесірінен 164 үй мен сауда орны, 100 көлік қираған. 342 адам зардап шеккен. 400-ден астам экспертиза жүргізіліп, 1 500-ден астам адам сұралған.

Ресми мәлімет бойынша, жаппай жанжалға Сартөбе ауы­лындағы қазақтар мен дүнгендер арасындағы кикілжің себеп болған.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар