Жаңалықтар 02.10.2020 сағат 15:00

«Астана LRT»: миллиардтап қаржы жымқырған қызметкерлерді тергеу аяқталды

Қазіргі кезде велоспортты дамытуға бөлінген 520 миллион теңгені жымқыру фактісі бойынша күдіктілер қылмыстық іс материалдарымен танысып жатыр.
«Астана LRT»: миллиардтап қаржы жымқырған қызметкерлерді тергеу аяқталды
фото: pixabay.com
Бөлісу
Бөлісу
Бөлісу

 Сыбайлас жемқорлыққа қарсы іс-қимыл агенттігі астана әкімдігі мен "Астана LRT" жауапкершілігі шектеулі серіктестігінің лауазымды тұлғаларына және қаржы жымқырды деген күдікке ілінген бірқатар азаматқа қатысты қылмыстық істің аяқталғанын хабарлады.Әрбір айыпталушының кінә дәрежесі туралы түпкілікті шешімді сот анықтамақ, деп жазады Sputniknews.kz.

"Жеңіл рельсті көлік жобасын іске асыру кезінде 5,8 миллиард теңгені жымқыру фактісі бойынша астана әкімдігінің, "Астана LRT" ЖШС және басқалардың лауазымды адамдарына қатысты қылмыстық істі аяқтап, сотқа жолдады", – делінген ақпаратта.

Сотқа жеті адам берілді. Ал "Астана LRT" басшысы Талғат Арданға қатысты сот шешімі сырттай шығып, оған халықаралық іздеу жарияланды. 

Әрбір айыпталушының кінә дәрежесі туралы түпкілікті шешімді сот анықтайды. Тергеу мүддесіне сәйкес өзге ақпарат жарияланбайды.

Сонымен қатар спортты дамытуға бөлінген аса ірі көлемдегі қаражатты ұрлаған "Туризм индустриясы және спортты қолдау" қорының бас директоры мен оның серіктесіне қатысты қылмыстық іс те аяқталды. Бұл іс бойынша да шешімді сот шығарады.

Оған қоса, "Астана" президенттік кәсіби спорт клубы" корпоративтік қорының басшылығы мен лауазымды тұлғаларына қатысты қылмыстық іс те бітуге таяу екендігі белгілі болды. Қазіргі кезде велоспортты дамытуға бөлінген 520 миллион теңгені жымқыру фактісі бойынша күдіктілер қылмыстық іс материалдарымен танысып жатыр. Содан соң, іс айыптау актісімен қоса прокурорға жолданады.

Оқи отырыңыз: Әскери институттың есепшісі 28 миллион теңгеге жуық бюджет қаражатын жымқырған

Сонымен қатар бірнеше мәрте пара алу күдігі бойынша денсаулық сақтау вице-министріне қатысты қылмыстық істі тергеу де жалғасып жатыр.

Естеріңізге сала кетейік, оған электрондық бақылау білезігін тағу арқылы "үйқамақ" түріндегі бұлтартпау шарасы қолданылды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар