Ресейде мамырдан бері алғаш рет бір тәулікте коронавирус жұқтырғандар саны он мыңнан асты, - деп хабарлайды РИА Новости.
Соңғы бір тәулікте Ресейде 10 499 адамнан COVID-19 анықталған, 107 науқас қайтыс болған. Ал 3 284 адам аурудан жазылған.
Кеше вирус жұқтырғандардың 28 пайызға жуығы, 2 920 адамда COVID-19 симптомдары байқалмаған.
Ресейде коронавирус жұқтырғандар саны 1 215 001-ге жетті. Пандемия кезінде елде 21 358 адам көз жұмған, 979 143 науқас аурудан жазылған.