$ 448.15  483.46  4.86

Оңтүстік Кореяда 33 қабатты зәулім ғимарат өртеніп жатыр (ВИДЕО)

Өрт сөндірушілер тілсіз жауды ауыздықтауға қанша күш салғанымен, өрт аса ауқымды болғандықтан әрі қатты жел соғып тұрғандықтан, жағдай ушығып кеткен.

Оңтүстіккореялық Ульсан қаласындағы 33 қабатты зәулім ғимарат өртеніп жатыр. Ғимараттың 30 қабаты – тұрғындар тұратын пәтерлер. Өрттен зардап шеккендер бар, деп хабарлайды Azattyq Rýhy  Vesti.ru басылымына сілтеме жасап.

Өрт 8 қазан күні кешке қарай 12-ші қабаттан басталған. Қатты жел соғып тұрғандықтан, қызыл жалын бірден бүкіл ғимаратты орап әкеткен. Yonhap агенттігіне сілтеме жасай отырып Kp.ru басылымы 49 адамның зардап шеккенін хабарлады.

«Ғимараттан 43 тұрғын эвакуацияланды, 15 адам ауруханаға жеткізілді. Ғимарат ішінде қалған адамдардың бар-жоғы әзірше белгісіз. Зәулім ғимараттың көп бөлігі тұрғын үй пәтерлері болғандықтан, 4-ші қабаттан бастап, 33-ші қабатқа дейін 127 отбасы тұрған», - делінген агенттік хабарламасында. 

Өрт сөндірушілер тілсіз жауды ауыздықтауға қанша күш салғанымен, өрт аса ауқымды болғандықтан әрі қатты жел соғып тұрғандықтан, жағдай ушығып кеткен. Қазірше өрттің неден шыққаны белгісіз.  

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары