Жаңалықтар 23.10.2020 сағат 00:19

«Атың өшкір, Борат!»: Сиднейде Қазақстанның туын ұстаған «Бораттар» шеру өткізді (ФОТО, ВИДЕО)

Бораттың шашы секілді парик пен маскини (медициналық маска түріндегі манкини) киген 40 ер адам йога сеансын өткізді.
«Атың өшкір, Борат!»: Сиднейде Қазақстанның туын ұстаған «Бораттар» шеру өткізді (ФОТО, ВИДЕО)
Фото: видеоан скриншот
Бөлісу
Бөлісу
Бөлісу

Австралияның Сидней қаласындағы ең әйгілі Бондай Бич жағажайында «Бораттың сыңарларыы» атты шеру өтті.

Бораттың шашы секілді парик пен маскини (медициналық маска түріндегі манкини) киген 40 ер адам йога сеансын өткізді.

Аталған орында Қазақстанның туы байқалады. Бораттың алты метрлік мүсіні де жағажайдан алыс емес жерде орнатылды. Үлкен мүсін арнайы тікұшақ көмегімен жеткізілді. Ол жағажайға жақын орналасқан Сиднейдегі Маркс-паркінде 24 сағат бойы тұрды. Жергілікті уақыт бойынша 23 қазан, жұма сағат 11-ге дейін тұрады деп жоспарланған.

Борат рөлін сомдайтын Саша Барон Коэннің бейне хабарламасы интернетте жария болды. Видеода ол мүсіннің Мельбурндегі 14 күндік карантинде болғанын, қазір босатылғанын атап өтті. Бірақ төрт күзетші онымен «жыныстық қатынас» жасаған соң сифилис жұқтырғанын мәлімдеді. 

Мүсінді тікұшақпен Маркс-паркіне апарған сәтті жергілікті БАҚ көрсетті. Шамасы, флешмоб пен мүсінді орнату «Бораттың» екінші бөлімінің премьерасы жоспарланған Amazon Prime стримингтік қызметінің ресми жарнамалық науқаны болса керек.

Фильмнің шығуына орай акция Лондонның орталығында да өтті. Саша Барон Коэннің "сыңарлары" Қазақстанның туымен Темза бойымен жүзіп өтті. Борат мүсіні бар баржа Ұлыбритания астанасының басты көрнекті жерлері, оның ішінде Лондон мұнарасы арқылы жүзді.

Экономист, блогер Дәулет Төлеутайұлы бұл шеруге байланысты инстаграм парақшасында пікір білдірді. 

"Атың өшкір, Борат! Сен туралы пост мүлде жазбай-ақ қояйын деген едім. Артық жарнама жасамау мақсатында. Бірақ мына кадрларды көріп.. Біз туды іліп қойсақ, билік бізге 400-500 мыңдап айыппұл салады!!! Ал мынандай бассыздықта біздің билік неге үнсіз? "Ол біздің елде болып жатқан жоқ қой" деп неге үнсіз отыра бересіздер??? Өзгелер білгендерін жасау керек пе?! Үнсіз қалмауымыз керек!!!

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар