25 қазанға арналған ауа райы болжамы

25 қазан күні Қазақстанның басым бөлігінде қар мен жаңбыр жауады. Республиканың кей жерлерінде тұман, көктайғақ күтіледі, жел күшейеді. Солтүстікте жаяу бұрқасын күтіледі. Тек еліміздің оңтүстік-батысында жауын-шашынсыз ауа райы сақталады, деп хабарлайды Қазгидромет.

Ақмола облысының басым бөлігінде тұман, көктайғақ, кей жерлерінде жаяу бұрқасын күтіледі, күндіз жел 15-20 м/с күшейеді.

Қостанай, Қарағанды, Солтүстік Қазақстан, Павлодар облыстарының кей жерлерінде көктайғақ, жаяу бұрқасын күтіледі, жел 15-20 м/с күшейеді.

Қостанай, Қарағанды облыстарының кей жерлерінде тұман күтіледі.

Шығыс-Қазақстан, Ақтөбе, Атырау облыстарының кей жерлерінде тұман күтіледі, жел 15-20 м/с күшейеді, Шығыс Қазақстан облысының кей жерлерінде көктайғақ күтіледі.

Батыс Қазақстан, Қызылорда облыстарының күндіз кей жерлерінде желдің жылдамдығы 15-20 м/с жетеді.

Жамбыл, Маңғыстау, Батыс Қазақстан, түнде және таңертең Алматы облыстарының кей жерлерінде тұман күтіледі.