Жаңалықтар 28.10.2020 сағат 18:20

Алматы облысында карантин режимі күшейтілді

Көрмелер, ойын-сауық орталықтары мен түнгі клуб, қорқор барлары, букмекерлік кеңселер, антикафе мен боулинг орталықтар, компьютерлік клубтардың қызметіне тыйым салынды
Алматы облысында карантин режимі күшейтілді
Фото: Sputniknews.kz
Бөлісу
Бөлісу
Бөлісу

Алматы облысында демалыс күндері тамақтану орындары мен сауда және ойын-сауық орталықтарының жұмысына тыйым салынды, деп хабарлайды Sputnik Қазақстан.

Облыстың бас санитар дәрігері Ерғали Сыдымановтың қаулысына сәйкес, орын саны 30-дан көп қоғамдық тамақтану нысандары мен мейрамханалардың, банкет залдарының қызметі тоқтатылады.

"Сондай-ақ, көрмелер, ойын-сауық орталықтары мен түнгі клуб, қорқор барлары, букмекерлік кеңселер, антикафе мен боулинг орталықтар, компьютерлік клубтардың қызметіне тыйым салынды", - делінген қаулыда.
Бір отбасы мүшелерінен басқа үш адамнан артық топтасып жүруге болмайды. 65 жастан асқан азаматтардың көшеге шығуын шектеу керек.

Ал қоғамдық тамақтану нысандары орналасқан жеріне қарамастан 30 адамды қабылдап жұмыс істей алады. Көрші үстелдің арасы екі метр болуы керек. Сонымен қатар бір үстелге төрт адамнан артық отыруға болмайды. Олар жұмыс күндері 09.00-ден 22.00-ге дейін ашық болады.

Демалыс және мереке күндері сауда орталықтары, қоғамдық тамақтану нысандарының қызметі тоқтатылады. Бұл күндері тамақтану орындары жеткізу қызметін ұсына алады. Сондай-ақ, жабық жердегі азық-түлік базарлары мен азық-түлік сатпайтын базарлар жұмыс істемейді.

Қаулының толық мәтінін мына жерден оқуға болады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар