Жаңалықтар 07.11.2020 сағат 05:41

Үндістанда WhatsApp арқылы төлем жасау қолжетімді болды

"Бұл қызмет WhatsApp-тың 10 үнділік аймақтық тіл нұсқасына қолжетімді", - дейді Facebook-тің негізін қалаушы Марк Цукерберг
Үндістанда WhatsApp арқылы төлем жасау қолжетімді болды
Фото: ашық дереккөзі
Бөлісу
Бөлісу
Бөлісу

WhatsApp мессенджері Үндістанда төлем қызметін іске қосты деп хабарлайды Reuters агенттігі.

Facebook Үндістанның ұлттық төлем корпорациясымен (NPCIL) бірге Whatsapp төлем функциясын іске қосты. Компания Үндістанды 400 миллионнан аса қолданушысы бар ең ірі нарық деп санайды.

"Бұл қызмет WhatsApp-тың 10 үнділік аймақтық тіл нұсқасына қолжетімді", - дейді Facebook-тің негізін қалаушы Марк Цукерберг.

WhatsApp мамандары бұл қызметті іске қосу үшін Үндістанның 5 банкімен, оның ішінде Үндістанның мемлекеттік банкімен серіктес екенін атап өтті. Мессенджер арқылы ақша жіберу үшін Үндістандағы қолданушыларға банктегі есепшот пен дебет картасы керек.

Компания төлем қызметі қауіпсіздік пен құпиялылықтың қатаң қағидаты негізінде жасалғанын жеткізді. Әрбір транзакция үшін пайдаланушылар бірыңғай төлем интерфейсінің PIN-кодын енгізуі қажет.

Айта кетейік, 6 қарашадан бастап Үндістандағы тұрғындары WhatsApp төлем қызметін пайдалана алады. Жаңа қызмет iPhone және Android қосымшаларының соңғы нұсқасында қолжетімді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар