Жаңалықтар 10.11.2020 сағат 17:40

«Астана» университетіне көлемді айыппұл салынды

Аталмыш оқу орнына тексеру жүргізуге кедергі жасағаны үшін әкімшілік жаза тағайындалып, 555 600 теңге айыппұл салынған.
«Астана» университетіне көлемді айыппұл салынды
Фото: tengrinews.kz
Бөлісу
Бөлісу
Бөлісу

«Астана» университеті тексеру жүргізуге кедергі жасағаны үшін әкімшілік жауапқа тартылды және 200 АЕК (555 600 теңге) айыппұл төлейді, деп хабарлайды ҚазАқпарат.

Бұл туралы ҚР Білім және ғылым министрлігі Білім және ғылым саласындағы сапаны қамтамасыз ету комитетінің төрағасы Гүлзат Көбенова айтып берді.

«Астана» университетінде тексеру жүргізуге бір жылда екі рет әрекет жасалды. Студенттердің өтініші негізінде тексеру тіркелді. Комиссия тексеруге шықты. Алайда университет тарапынан ғимаратқа кіруге кедергі жасалды. Кедергі жасау бойынша сот процесі бүгінгі күні аяқталды. Университет әкімшілік айыппұл түрінде әкімшілік жауапқа тартылды», - деді комитет басшысы Орталық коммуникациялар қызметінде өткен брифингте.

Оның айтуынша, екінші тексеру биылғы көктемде профилактикалық бақылау ретінде жоспарлы негізде өтуі тиіс еді. Алайда, университет қажетті құжаттарды бермей, тексеруге кедергі келтірді. Онда да университет әкімшілік жауапқа тартылған.

«Осыған байланысты университетте ешқандай тексеру жүргізілген жоқ. Бірақ осы университеттің биылғы түлектері дипломдардын уақытылы ала алмады. Себебі университет биылғы тамыз айында ғана аккредитациядан өткен. Тиісінше, түлектер магистратураға түсе алмады, бірден жұмысқа орналаса алмады», - деді Г. Көбенова.

Қыркүйек айында ҚР Білім және ғылым министрлігі «Астана» университетіне жоспардан тыс тексеруді бастаған еді, оған 14 студенттің шағымы негіз болды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар