Жаңалықтар 11.11.2020 сағат 18:00

Батыс Қазақстан облысында ақ шашты әйелдің елесі жүр деген ақпарат рас болып шықты (ВИДЕО)

Ауыл әкімі жергілікті тұрғындармен бірге жолда көрінетін елеске байланысты құрбан шалған.
Бөлісу
Бөлісу
Бөлісу

Батыс Қазақстан облысындағы ауыл әкімі жергілікті тұрғындармен бірге жолда көрінетін елеске байланысты қойды құрбандыққа шалған,  деп хабарлайды Tengrinews.kz.

Қаратөбе ауданындағы Ханкөл аулының тұрғындары елді мекеннің маңында ақ шашты әйел адамның елесі жүргенін айтады. Ол адамдардың есін шығарған. Жергілікті тұрғындар дүлей күштен арылу үшін садақа берген.   

"Ақ шашты жас әйел жолдың бойында жүреді. Адамдар қатты қорқып қалған, ер адамдар қорыққанынан жылап жібереді", - дейді жергілікті тұрғындар әлеуметтік желіде. 

Тағы бір тұрғынның сөзінше, жүргізушілердің бірінің көлігіне ақ шашты әйел адам отырып алып, көлікті басқаруына кедергі жасаған. 

"Қарсы беттен келе жатқан ауыржүктасығыш көлікпен соқтығыса жаздады. Әйел адам бірден жоғалып кеткен. Жүргізуші ауылға барған, бірақ жергілікті тұрғындар елесті көрмеген. Адамдар Құран оқи бастады", - дейді ол.   

Артынша желіде Қаратөбе ауданында түсірілген видео пайда болған. Оның монтаждалғаны я шын видео екені әлі белгісіз. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар