Жаңалықтар 13.11.2020 сағат 01:10

Қазақстан бір депутатты асырау үшін жылына 92 млн теңге жұмсайды - Санжар Боқаев

Ойлап көріңізші, 78 адамнан тұратын біздің команда жыл бойы 5000 шаршы метр өндіріс алаңында жұмыс істеп, мыңнан аса тапсырыс орындады. Жұмысты көп істедік, бірақ бір депутатты асырай алмадық.
Қазақстан бір депутатты асырау үшін жылына 92 млн теңге жұмсайды - Санжар Боқаев
Фото: tengrinews.kz
Бөлісу
Бөлісу
Бөлісу

"ҚазТрансГаз" басқарма төрағасының бұрынғы кеңесшісі Санжар Боқаев елімізде бір депутатты асырау үшін жылына 92 млн теңге жұмсайтынын айтты, деп жазады Skifnews.kz ақпарат порталы "kznew" сайтына сілтеме жасап.

Бұл туралы ол өзінің Facebook-тегі парақшасында жазды.

"Бір депутатты асырау үшін мемлекет жылына 92 млн теңге жұмсайды. Ойлап көріңізші, 78 адамнан тұратын біздің команда жыл бойы 5000 шаршы метр өндіріс алаңында жұмыс істеп, мыңнан аса тапсырыс орындады. Жұмысты көп істедік, бірақ бір депутатты асырай алмадық. Осындайда Салтыков-Щедриннің повесіндегі бір еркектің екі генералды асырағаны еске түседі. Ұят-ты, менің тіпті бір депутатты асырауға шамам жетпеді», - деді С.Боқаев.

"Мемлекеттің тиімділігі аз екені осындайда көрінеді. Салыстырмалы түрде алсақ, егер жеке компания жоғары жалақымен көптеген әкімшілік қызметкерді жұмысқа алса, бизнес бір айға да шыдамайды", -  деді ол.

"Парламент депутаттары S-класты мерседестерден бас тартса дейсің. Осы шешімнің өзі жыл сайын 1 млрд теңгеден астам қаржы үнемдеуге мүмкіндік берер еді. Менің ойымша, олар қызметтік көліктен бас тартып өз көліктерімен жүрсе, ештеңесі кетпейді. Вашингтон мен Нью-Йорктің метросынан Ақ үй мен Конгрестің біздің депутаттардан да салмақты шенділерін кездестіргенмін.

Мәжіліс пен Сенаттағы түкке пайдасы жоқ персоналдар мен көптеген көмекшілерден бас тартып, материалдық-техникалық қамтамасыз ету жағын да батыл оңтайландыруға болар еді.

Осылардың бәрі депутаттардың толыққанды жұмыс істеуіне жағдай жасау үшін құрылған. Ал енді депутаттар толыққанды жұмыс істеп жатыр ма, жоқ па, оны қазақстандықтар айтсын.Ал мен депутатты асырау үшін өз тарапымнан бұдан да көп әрі жақсы жұмыс істеуге уәде беремін", - деді Санжар Боқаев.

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар