Жаңалықтар 14.11.2020 сағат 15:15

Асқар Мамин елордадағы тұрғын үй құрылысының барысын тексерді

ҚР-да жалға берілетін және несиелік пәтерлермен халықтың әлеуметтік осал топтары, жастар, бюджеттік ұйымдардың қызметкерлері қатарынан 35 мыңнан астам отбасы қамтамасыз етіледі.
Асқар Мамин елордадағы тұрғын үй құрылысының барысын тексерді
Бөлісу
Бөлісу
Бөлісу

Асқар Мамин елорданың жаңа шағын ауданында «Нұрлы жер» бағдарламасы аясында салынып жатқан әлеуметтік тұрғын үй құрылысының барысын тексерді. Бұл туралы Skifnews.kz ақпарат порталы, Премьер-министрдің баспасөз қызметіне сілтеме жасап хабарлайды. 

 Бірнеше жыл ішінде мұнда жалпы ауданы 1,9 млн м² болатын 35 мың пәтерлік тұрғын үй кешендері салынады. Қазіргі таңда 200 мың м²  (4073 пәтер) ауданымен тұрғын үй құрылысы жүргізіліп жатыр, онда 1000-нан астам адам жұмыс істеуде, жұмыс ірі панельді үй құрылысы саласындағы озық әзірлемелерді қолдана отырып, екі ауысымда атқарылып жатыр. Тұрғын үй кешендерінің бірінші кезегі биыл пайдалануға беріледі. 

Үкімет басшысы барлық құрылыс жұмыстарын сапалы орындап, нысандарды жоспарланған мерзімде пайдалануға беруді тапсырды. 

2020 жылдың 10 айында Нұр-Сұлтан қаласында 2 млн м² астам тұрғын үй пайдалануға берілді. Осы жылдың соңына дейін қолжетімді баспанадан 8 мыңға жуық пәтер қосымша пайдалануға беріледі. Оның ішінде 966 пәтер жалдамалы тұрғын үй үшін (616 – аз қамтылған отбасыларға, 350 – жұмыс істейтін жастарға), 1000 пәтер мұғалімдер, дәрігерлер, полиция, өртке қарсы қызмет қызметкерлері, мәдениет және спорт саласының мамандары үшін сатып алынады. 

2021 жылы елордада 10 мыңға жуық әлеуметтік тұрғын үй пәтерін пайдалануға беру көзделген.  
Қазақстанда 2020 жылдың қорытындысы бойынша жалпы ауданы 15 млн м² болатын 150 мың тұрғын үйді пайдалануға беру жоспарланған. ҚР-да жалға берілетін және несиелік пәтерлермен халықтың әлеуметтік осал топтары, жастар, бюджеттік ұйымдардың қызметкерлері қатарынан 35 мыңнан астам отбасы қамтамасыз етіледі.

 Инспекциялық сапарға Премьер-Министрдің орынбасары Р. Скляр, Нұр-Сұлтан қаласының әкімі А. Көлгінов, индустрия және инфрақұрылымдық даму бірінші вице-министрі Қ. Өскенбаев және т. б. қатысты. 
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар