Тбилисиде адамдарды кепілге алған ер адам ұсталды

Ол Церетели даңғылындағы микроқаржы ұйымына басып кірген.

Полицейлер Тбилисидегі микроқаржы ұйымында тұрғындарды кепілге алған ер адамды ұстады. Бұл туралы полиция басшысы Важа Сирадзе айтты, деп хабарлайды Tengrinews.kz.

Оның айтуынша, тергеу амалдары әлі де жүргізіліп жатыр. Ведомство өкілдері ұсталған ер адам - 1989 жылғы Л.З есімді адам екенін айтады. Ол 17 адамды кепілге алған.

"Іс-шара сәтті аяқталды. Кепілге алынғандар босатылды, қаскөй тұтқындалды", - деді Сирадзе.

Еске салайық, 20 қарашада Тбилисиде қаруланған ер адам бірнеше тұрғынды кепілге алғаны хабарланған болатын.

Ол Церетели даңғылындағы микроқаржы ұйымына басып кірген.

Келіссөз бірнеше сағатқа созылған. Кейбір БАҚ мәліметінше, ер адам мас болған.