Жаңалықтар 27.11.2020 сағат 12:40

Көкек ана сәбиін көшеге тастауды арнайы жоспарлаған (ВИДЕО)

Полиция әйелдің тұрмыста емес екенін анықтады.
Көкек ана сәбиін көшеге тастауды арнайы жоспарлаған (ВИДЕО)
Бөлісу
Бөлісу
Бөлісу

Павлодарда учаскелік полиция инспекторлары алдын ала жоспарлап, сәбиін көшеге тастап кеткен 33 жастағы ананы ұстады. Бұл туралы pavlodarnews.kz хабарлайды. 

«26 қараша күні сағат 20:40-та полицияға Павлодар қаласындағы «Автовокзал» трамвай аялдамасының орындығынан 8-9 айлық бала табылғаны туралы хабарлама түсті. Сырттай қарағанда бала бойында көзге көрінетін дене жарақаты анықталған жоқ. Дереу бағдар жасалып, барлық аумақтық және шекара маңындағы аудандарға таратылды. Жақын маңдағы барлық көшелер тексерілді, куәгерлер мен көргендер арасында сауалнама жүргізілді», - дейді облыстық  ПД бастығы Нұрлан Мәсімов.

Учаскелік инспекторлар жедел түрде 32 жастағы павлодарлық басқарған Toyota Camry автокөлігін анықтаған.

«Жүргізушінің айтуынша, ол мобильді қосымш арқылы жолаушыларды тасымалдаумен айналысады.  Сол күні ол Семей қаласынан (ШҚО - AR) Павлодар қаласына баласы бар әйелді алып келіп, автовокзалға қалдырып кеткен. Екі сағаттан астам уақыт өткеннен кейін күдікті әйел ұсталды. Аталмыш фактіге қатысты ҚР Қылмыстық кодексінің 119-бабы, 1-бөлігі бойынша сотқа дейінгі тергеу басталды», - деді  Нұрлан Мәсімов. 

Полиция әйелдің тұрмыста емес екенін анықтады. Кәмелетке толмаған 9 және 1,2 жастағы екі баланы тәрбиелеп отыр. Үлкен ұлы Екібастұз қаласында әжесімен бірге тұрады. Соңғы жылдары ол өзі Тараз қаласында тұрған. Ұлын тастап кетуді алдын ала жоспарлаған.

Жедел жәрдем дәрігерлері сәбиді тексеріп, Павлодар қаласының ауруханасына жатқызды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар