Жаңалықтар 27.11.2020 сағат 14:40

«Мәжіліс ғылымның бәсекеге қабілеттілігін арттыру туралы заң жобасын қарайды» - Нығматулин

Алдағы жалпы отырыста Палата бірқатар ратификациялық заң жобаларын пысықтайды.
«Мәжіліс ғылымның бәсекеге қабілеттілігін арттыру туралы заң жобасын қарайды» - Нығматулин
фото: ult.kz
Бөлісу
Бөлісу
Бөлісу

 Бүгін Мәжіліс Спикері Нұрлан Нығматулиннің төрағалығымен Палата Бюросы өтіп, онда алдағы жалпы отырыстың күн тәртібі нақтыланды. 

Мәжіліс бірінші оқылымда жол жүрісі мәселелеріне қатысты заң  жобасын талқылайды. Сонымен қатар бірінші оқылымда жер қойнауы және ғылым мәселелері, сондай-ақ, Каспий теңізінде қызметті жүзеге асыруға байланысты заң жобалары қаралады. 

Күн тәртібінің жобасында «Нотариат туралы» Қазақстан Республикасының Заңына өзгерістер мен толықтырулар енгізу туралы» заң жобасын қарау ұсынылады. Алдағы жалпы отырыста депутаттар Қазақстан мен Біріккен Араб Әмірліктерінің елшіліктері арасындағы қажеттіліктеріне Астана қаласында және Әбу Даби қаласында жер учаскелерін өтеусіз пайдалануға өзара беру туралы келісімді ратификациялау туралы заң жобаларын қарайды. 
Бюро отырысында «Мақта саласын дамыту туралы» Қазақстан Республикасы Заңының күші жойылды деп тану және Қазақстан Республикасының кейбір заңнамалық актілеріне өзгерістер енгізу туралы» және ветеринария мәселелері бойынша заң жобалары екінші оқылымда ұсынылады. 

Алдағы жалпы отырыста Палата бірқатар ратификациялық заң жобаларын пысықтайды. Олар Мемлекетаралық стандарттау жөніндегі құжаттарды тарату туралы және Еуразиялық экономикалық одақ шеңберінде бағалы металдармен және асыл тастармен операцияларды жүзеге асыру ерекшеліктері туралы келісімдерді ратификациялау.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар