«Менің сайлау құқығым»: Алматыдағы қоғамшылдар алдағы сайлау процесін түсіндірді

Бүгін «Алматы қаласының Кәсіподақ орталығы» аумақтық кәсіподақтар бірлестігінің бақылаушылар мектебінде «Менің сайлау құқығым» бағдарламасы аясында кезекті сабақтар өткізілді.

Айта кету керек, 2021 жылғы сайлау жаңа жағдайда – коронавирустық пандемия кезінде өтеді. Сонымен қатар, сайлау заңнамасына енгізілген жаңа түзетулерге сәйкес 16 жыл ішінде алғаш рет парламенттік сайлау мерзімінен бұрын өткізілмейді. Парламент Мәжілісі тұрақты комитеттерінің бір төрағасы мен екі хатшысын сайлау парламенттік оппозиция депутаттарының арасынан жүзеге асырылатын болады. Парламенттік практикада алғаш рет әйелдер мен жастарға арналған партиялық тізімдерде 30 пайыздық квота енгізілді.

Оқыту барысында «Татуласу орталығы» татуластыру орталығының мамандары ҚР Заңнамасы аясында сайлау кезіндегі тәртіп ережелерін түсіндірді. Этика, сондай-ақ бұқаралық ақпарат құралдарымен өзара іс-қимыл мәселелері қозғалды.

«Біз үшін кез келген адамның ерік білдіру бостандығы, ең алдымен, қандай да бір экономикалық, әкімшілік ынталандырулардан, құқықтық өрістен тыс ықпал етуден емес, оның нанымынан шығуы өте маңызды. Біздің бақылаушыларымыздың қысқа мерзімді миссиясы сайлау туралы заңнамада көзделген барлық рәсімдердің сақталуынан тұрады», - деп атап өтті аумақтық кәсіподақтар бірлестігінің бақылаушылар штабының төрағасы Серікжан Байғұтдинов.

Бақылаушылар сайлау кезінде жіберілген барлық бұзушылықтарды тіркеп отырады.

«Сайлау кезінде біздің байқаушыларымыз заңнама аясында қатаң әрекет ететін болады. Олар, атап айтқанда, сайлау комиссиясының отырысына қатыса алады, сайлаушылардың саны туралы ақпарат ала алады (учаскеде және үй-жайдан тыс жерде), тасымалданатын сайлау жәшіктерін алып жүре алады, дауыс беру барысын, дауыстарды санауды және нәтижелерді ресімдеуді бақылай отырып, аталған барлық рәсімдерді анық көре алады. Олардың міндеттерінің бірі – сайлаушылардың учаскеге келуі мүмкін болмаған жағдайда оларға дауыс беруге арналған үй-жайдан тыс жерде дауыс беруіне қатысу», - деп бөлісті кәсіподақтар атынан бақылаушылар штабының төрағасы.

Серікжан Байғұтдинов атап өткендей, байқаушылар белгілі бір кандидатқа немесе партияға өз көзқарасын білдірмеуі керек, кез келген түрде сайлау процесіне және сайлау комиссиясының жұмысына араласпауы тиіс.