Жаңалықтар 24.12.2020 сағат 16:20

Қаратау қаласы:  Үміткерлер «Шолақтау» тау-кен өңдеу кешені қызметкерлерімен кездесті

Шара барысында үміткерлер электораттарға «Nur Otan» партиясы ауданды дамытудың 7 басым бағытын өзінің сайлауалдындағы бағдарламасында айқындағанын жеткізді.
Қаратау қаласы:  Үміткерлер «Шолақтау» тау-кен өңдеу кешені қызметкерлерімен кездесті
Бөлісу
Бөлісу
Бөлісу

Аудандық мәслихат депутаттығына кандидаттар Ү.Битенова, Т.Капсаланов, Е.Әнетбаев және Р.Сарсековалар үгіт-насихат жұмыстарының барысында «Nur Otan» партиясының сайлауалды бағдарламасын түсіндіру мақсатымен «Шолақтау» ТКӨК бастауыш партия ұйымы мүшелерімен және қызметкерлерімен кездесу өткізді. 

Шара барысында үміткерлер электораттарға «Nur Otan» партиясы ауданды дамытудың 7 басым бағытын өзінің сайлауалдындағы бағдарламасында айқындағанын жеткізді.

Атап айтар болсақ, тұрақты жұмыс орындарымен қамтамасыз ету мәселесі бойынша «Nur Otan» партиясы 2021-2025 жылдар аралығында 5 инвестициялық жобаны іске асырып, 750 жаңа жұмыс орындарының ашылуына, Натрий цианидінің экспортын 6 мың тоннаға дейін ұлғайтуға, тоқсан сайын бос жұмыс орындар жәрмеңкесін ұйымдастыра отырып, жыл сайын мемлекеттік мекемелер мен шағын және орта бизнес субъектілеріндегі бос жұмыс орындарына 1200-ден кем емес адамды жұмысқа орналастыруға, сондай-ақ әлеуметтік жұмыс орындарына жыл сайын 130-дан кем емес адамды, жастар тәжірибесіне - 74 кем емес және ақылы қоғамдық жұмыстарға – 200-дей адамды жұмысқа орналастыруға ықпал ететіні туралы сөз болды.

Сонымен қатар, «Еңбек» мемлекеттік бағдарламасының шеңберінде жыл сайын бизнесті дамытуға арналған 70 шағын несиеден кем емес беруге және еңбек нарығының қажеттіліктерін ескере отырып, төрт жақты келісім шартқа сәйкес жыл сайын 30-дан кем емес жұмыссыз азаматтарды қысқа мерзімді кәсіби оқытудан өткізуге партия өз үлесін қосатыны да назардан тыс қалмады. 

Ауданның табысты дамуының кепілі мәселелерді шешу үшін ортақ мүдделермен біріккен азаматтардың белсенділігі болып табылатыны сөзсіз. Осы орайда кандидаттар ынтымақтастықтың басты қағидаттары ашықтық, есеп берушілік және сыбайлас жемқорлыққа қарсы іс-қимыл болуы тиістігін тілге тиек етті.

Партия тарапынан бұл істі ілгерілету үшін кәсіпкерлердің онлайн бақылау-кассалық аппараттарды пайдалануы есебінен қолма-қол ақшасыз есеп айырысу жүйесі бар сауда объектілерінің желісін кеңейтуге, төртінші деңгейдегі бюджет қаражатын бөлу кезінде жергілікті қоғамдастықты барынша тартуға және аудан тұрғындары арасында сыбайлас жемқорлықтың алдын алу және ескерту бойынша іс-шараларды өткізуге үкіметтік емес ұйымдарды тарту жұмыстары жүргізілетіні айтылды.

Ескерту! «Nur Otan» партиясы Жамбыл облысы, Талас аудандық (Қаратау қаласы) Сайлау қорының қаражатынан төленді.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар