Жаңалықтар 26.12.2020 сағат 07:09

Жамбыл облысында газ баллоны жарылып, екі адам ауыр жарақат алды

Оқиға туралы облыстық төтенше жағдай департаментінің баспасөз қызметі хабарлады.
Жамбыл облысында газ баллоны жарылып, екі адам ауыр жарақат алды
Бөлісу
Бөлісу
Бөлісу

Жамбыл облысында жол бойындағы ғимаратта газ балоны жарылып, күйік шалған екі адам ауыр жағдайда аурухана жатқызылды,- деп хабарлайды ҚазАқпарат.

Оқиға туралы облыстық төтенше жағдай департаментінің баспасөз қызметі хабарлады.

«25 желтоқсан күні сағат 16-36-да Байзақ ауданында, «Алматы-Ташкент» тас жолының 597 шақырымында, жол бойында құрылысы басталған жем зауытының жұмысшыларға арналған асхана ретіндегі бейімделген гараж бокстарында газ баллоны (50л) жарылды. Салдарынан тұтанған өрт 150 шаршы метр алаңды шарпыды. Жарылыс салдарынан бокстардың бетон қабырғасы мен 2 ішкі кірпіш қалқандары қирады. Оқиға нәтижесінде 1966 және 1960 жылы туған азаматтар күйік алып, ауыр жағдайда ауруханаға жатқызылды. Өрт 17 сағат 02 минутта ауыздықталып, 17 сағат 22 минутта сөндірілді»,-делінген ведомство хабарламасында.

Оқиға орнында ТЖ департаментінің 22 қызметкері және 6 бірлік техника жұмылдырылған. Сондай-ақ, өрттің себебін анықтау үшін оқиға орнына жылжымалы өрт-техникалық зертханасы жөнелтілген.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар