Жаңалықтар 28.12.2020 сағат 20:12

Nur Otan: Алматыда 15 мың жұмыс орны ашылады

Мәслихат депутаттығына кандидаттар, олардың ішінде Мамед Насимов сайлаушылардың көптеген сұрақтарына жауап беріп, партия азаматтардың барлық тілектерін бақылауға алатынына уәде берді.
Nur Otan: Алматыда 15 мың жұмыс орны ашылады
Бөлісу
Бөлісу
Бөлісу

Бүгін, 28 желтоқсанда Алматыда Nur Otan партиясының мәслихат депутаттығына үміткерлердің Алматы құрылыс-техникалық колледжінің ұжымымен кездесуі өтті. Кандидаттар сайлаушыларды партияның сайлауалды бағдарламасының ережелерімен таныстырды.

Депутаттыққа кандидат Серік Әубәкіров өз сөзінде Алматы - еліміздің іскерлік астанасы, Орталық Азия өңірінің негізгі көлік-логистикалық тораптарының бірі екенін атап өтті. «Әлемнің үздік мегаполистерінің қатарына кіру үшін қаламызға жылына кемінде 5% экономикалық өсім қажет. Бұған еңбек өнімділігін арттыру арқылы ғана қол жеткізуге болады», - деді ол.

«Алматы экономикасының өсуі үшін алдағы 5 жылда Nur Otan партиясы әлеуеті жоғары басым секторлардың қатарында креативті индустрияны айқындады. Бұл жыл сайын 30 млн - ға жуық жұмыс орнын ашатын әлемдік экономиканың қарқынды дамып келе жатқан салаларының бірі», - деп атап өтті депутаттыққа кандидат Төлеуғали Тайтөлеев.

Мәслихат депутаттығына кандидат Ғани Мырзахановтың айтуынша, Алматы дизайн, сәулет, музыка, әдебиет, сән, медиа, цифрлық өнер, кино, анимация және театрды дамыта отырып, Орталық Азияның креативті индустриясының орталығына айналуға мүмкіндігі бар. «Алдағы бес жылда креативті индустрияда қалада 15 мыңға жуық тұрақты және жыл сайын кемінде 5 мың уақытша жұмыс орны құрылады», - деп атап өтті ол.

Мәслихат депутаттығына кандидаттар, олардың ішінде Мамед Насимов сайлаушылардың көптеген сұрақтарына жауап беріп, партия азаматтардың барлық тілектерін бақылауға алатынына уәде берді.

Nur Otan партиясына дауыс беріңіз!

Nur Otan партиясы Алматы қаласының сайлау қорының қаражатынан төленді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар