Ауа райының күрт суытып кетуінен Өскемендегі көпір жарылып кетті (ВИДЕО)

Қазіргі уақытта көпірдегі қозғалыс штаттық режимде жүргізілуде.

Жексенбі күні әлеуметтік желілерде теміржолүсті көпірінен ақау шыққаны жайлы хабар тараған, деп жазады altaynews.kz.

«Защита» теміржолүсті көпіріндегі жарылып кеткен тұсты демалыс күндері Өскемен қаласының тұрғыны бейнежазбаға түсіріп алған.

Алайда Өскемен қаласының тұрғын үй-коммуналдық шаруашылығы, жолаушылар көлігі және автомобиль жолдары бөлімінің өкілдері алаңдауға еш негіз жоқ дейді.

"Көпірді тәуелсіз сарапшылардың қатысуымен арнайы комиссия қарады. Төмен температураның әсерінен көпір арқалығы деформацияланған. Келтірілген залал қауіп тудырмайды. Қалпына келтіру жұмыстары ауа райы жылыған соң басталады", - деп түсіндірді ведомстводағылар.

Қазіргі уақытта көпірдегі қозғалыс штаттық режимде жүргізілуде. Ал тұрғын үй-коммуналдық шаруашылық бөлімінде бұл мәселе бойынша кеңейтілген түсіндірме жұмыстары сәл кейінірек болатынын айтады.