Жаңалықтар 29.12.2020 сағат 18:00

Тоқаев Сенат төрағасына маңызды тапсырма берді

Мәулен Әшімбаев аталған құжаттардың барлығы еліміздің әлеумет-экономикалық дамуын, халқымыздың тұрмыс сапасын арттыруға бағытталғанын айтты.
Тоқаев Сенат төрағасына маңызды тапсырма берді
Бөлісу
Бөлісу
Бөлісу


Президент Парламент Сенатының Төрағасы Мәулен Әшімбаевты қабылдады, деп хабарлайды Ақорданың баспасөз қызметі. 

Мемлекет басшысына Жоғарғы Палатаның биылғы заң шығару қызметінің негізгі қорытындылары туралы ақпарат берілді.

Сенат Спикері Президенттің Қазақстан халқына арнаған Жолдауында айтылған мәселелерді іске асыруды қамтасыз етуге бағытталған заңдардың қабылданғанына тоқталды. Атап айтқанда, жаңа «Экологиялық кодекс», «Техникалық реттеу туралы туралы» заң, «Қазақстан Республикасының кейбір заңнамалық актілеріне Мемлекет басшысының «Жаңа жағдайдағы Қазақстан: іс-қимыл кезеңі» атты Қазақстан халқына Жолдауының жекелеген ережелерін іске асыру мәселесі бойынша өзгерістер мен толықтырулар енгізу туралы» заң қабылданған. Мәулен Әшімбаев аталған құжаттардың барлығы еліміздің әлеумет-экономикалық дамуын, халқымыздың тұрмыс сапасын арттыруға бағытталғанын атап өтті.

Қасым-Жомарт Тоқаев алдағы уақытта елімізде саяси жаңғырту және экономикалық даму бағдарламаларының жалғасатынын, басқа салалар бойынша да ауқымды жұмыстардың атқарылатынын айтып, Сенатқа аталған бағыттарды заңмен қамтамасыз етуді тапсырды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар