Қарағандыда контейнерден ер адамның мәйіті табылды

Марқұмның денесінде зорлық-зомбылық белгілері бар.

Қарағандының орталық базарындағы сауда контейнерлерінің бірінен ер адамның мәйіті табылды, деп хабарлайды ҚазАқпарат.

6 қаңтарда Қарағанды қаласының «Алтын арба» сауда үйінің контейнерлерінің бірінен зорлық-зомбылық белгілері бар 35 жастағы ер адамның мәйіті табылды.

«Осы оқиғаға қатысты 37 жастағы күдікті ұсталды. Аталған факті бойынша ҚР ҚК-нің 99-бабы «Адам өлтіру» бойынша қылмыстық іс қозғалды», - деді Қарағанды облысы ПД баспасөз қызметі.

Тергеу амалдары жалғасуда.