Жаңалықтар 23.01.2021 сағат 10:33

Зейнетақының бір бөлігін алуға өтініш беретін сайт іске қосылды

Жаңа сайттан азаматтар Бірыңғай жинақтаушы зейнетақы қорынан төленетін біржолғы зейнетақы төлемдерін пайдалануға өтініш тапсыра алады.
Зейнетақының бір бөлігін алуға өтініш беретін сайт іске қосылды
Бөлісу
Бөлісу
Бөлісу

23 қаңтар күні сағат 9:00-ден бастап зейнетақының бір бөлігін алуға өтініш беретін enpf-otbasy.kz сайты іске қосылды.

Арнайы сайттың жұмысы туралы кеше «Отбасы банк» басшысы Ләззат Ибрагимова мәлімдеді.

«Бұл біздің БЖЗҚ-мен бірлесе жүзеге асырған, бір жыл бойы тер төккен жобамыз. Сондықтан платформаның атауына осы жобаға барынша атсалысқан екі органның атауын көрсетуді жөн көрдік», - деп атап өтті Ләззат Ибрагимова.

Жаңа сайттан азаматтар Бірыңғай жинақтаушы зейнетақы қорынан төленетін біржолғы зейнетақы төлемдерін пайдалануға өтініш тапсыра алады. Ақпараттық қауіпсіздік мақсатында әзірге порталға Қазақстаннан тыс елден кіруге шектеу болады. Алдымен Қазақстан жерінде тіркелген ІР-адрестерге қызмет көрсетіледі.

Айта кетейік, зейнетақы қорындағы қаржысының бір бөлігін баспана алуға, тұрғын үй жағдайын жақсартуға немесе жеке қаржы компанияларына басқаруға бере алатын, қордағы жинағы жеткілікті шектен асып тұрған азаматтардың саны шамамен 761 мыңды құрайды. Тиісті заңға ҚР Президенті Қасым-Жомарт Тоқаев осы жылдың 2 қаңтарында қол қойған болатын.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар