Көктем соңында туристер үшін тағы бір елге кіруге мүмкіндік ашылады

Испанияның туризм министрі Рейес Марото елге көктем соңында шетелдік туристерді кіргізуге мүмкіндік туады деп үміттенеді, деп хабарлайды Travel Weekly басылымы. 

Жаз соңына қарай халықтың 70 пайызы тұрақты иммунитетке ие болғанға дейін вакцинацияны жоғарғы деңгейде тарату жоспарланған. Бұл шара Испанияға шетелдік туристерді қабылдауға жақсы дайындалуға мүмкіндік береді. Министр Маротоның айтуынша, дайындық аясында негізгі күш COVID-19 пандемиясымен күресуге бағытталған және вакцинация процесін жеделдетуге, сондай-ақ туристердің қауіпсіздігін қамтамасыз етуге бағытталған.

"2021 жылы біздің басты мақсатымыз - ертерек туризм саласын жандандыру және халықаралық масштабта қозғалыс қауіпсіздігін қамтамасыз ету. Туристердің сенімді болуы үшін жоспарланған бірқатар шаралардың жалпы шеңберін қабылдау бойынша жұмыс жүргізіліп жатыр. Біз көктемнің соңында және әсіресе жазда халықаралық сапарлар қайта басталып, саяхатшылар Испанияны "баратын жер" ретінде таңдайды деп үміттенеміз", - деді ол.