Қазақстанның бірнеше өңірінде дауылды ескерту жарияланды

Еліміздң бірнеше облысында көктайғақ пен тұманға байланысты дауылды ескерту жарияланды, деп хабарлайды  «Қазгидромет».   

Атап айтқанда, 29 қаңтарда Маңғыстау облысының кей жерлерінде көктайғақ болады. Солтүстік-батыстан жел соғады, кей жерлерде 17-22 м/с жетеді. Ақтау қаласында түнде солтүстік-батыстан жел соғады, екпіні 15-18 м/с күтіледі.

29 қаңтарда Атырау облысының кей жерлерінде көктайғақ болып, оңтүстік-шығыстан жел соғады, күші 15-20 м/с жетеді. Атырау қаласында түнде көктайғақ болып, оңтүстік-шығыстан жел соғады, екпіні 15-18 м/с жетеді.

29 қаңтарда Батыс Қазақстан облысының кей жерінде тұман түсіп, қөктайғақ болуы мүмкін. Оңтүстік-шығыстан жел соғады, күші кей жерлерде 15-20 м/с жетеді.

29 қаңтарда Ақмола облысының кей жерінде тұман түседі. Оңтүстік-батыстан жел соғады, күші кей жерде 15-20 м/с жетеді.

29 қаңтар-2 ақпанда Жамбыл облысында кей жерде тұман түседі. 1-2 ақпанда кей жерде көктайғақ болады. 29 қаңтар-2 ақпанда кей жерде солтүстік-шығыстан соғатын жел оңтүстік-батыс желіне ауысады, күші 15-20 м/с, 30 қаңтар-1 ақпанда екпіні 23-28 м/с болуы мүмкін.