$ 447.4 € 477.55 ₽ 4.76
Лондонда пышақпен қаруланған қылмыскердің шабуылынан кейін бір адам қаза тауып, тағы бесеуі жараланды деп жазады BBC News.
Оқиға Лондон орталығындағы Рассел-Скверде сәрсенбінің кешінде орын алды.
Көшедегі кездейсоқ тұрғындарды белгісіз ер азаматтың пышақтап тастағаны туралы ақпарат жедел жәрдем қызметіне жергілікті уақытпен кешкі сағат 22:33-те келіп түскен. Оқиға орнына жеткен дәрігерлер 6 адамның пышақ жарақатын алғанын анықтады. Көп ұзамай ауыр жараланған әйел ауруханаға жетпей қайтыс болды.
Басты күдіктіні тәртіп сақшылары сағат 22:39-да қолға түсірген. Оны ұстау үшін полицейлерге тоқ ұратын қару қолдануға тура келді.
Әзірге қылмыстың себеп-салдары анықталып жатыр. Полициядағылар мұны теракт болуы мүмкін екенін жасырмайды.
