Үздік ғалымдарға 5,8 млн теңге сыйақы беріледі

Елімізде «Үздік ғылыми қызметкер» атағы тағайындалатын болды. Ол отандық ғылымның дамуына үлес қосқан ғалымға ынталандыру мақсатында беріледі. Ал сыйақы көлемі 5 млн 834 мың теңге, деп хабарлайды Skifnews.kz ақпарат порталы qazaqstan.tv-ға сілтеме жасап хабарлайды. 

Сенат депутаттары бүгін ғылым туралы заңға осындай өзгеріс енгізіп, құжатты бірінші оқылымда қабылдады. 

Жауапты ведомство өкілдерінің айтуынша, жылына 50 ғалымды марапаттау жоспарланған. Бұл жастардың ғылымға деген қызығушылығын оятып, ізденісте жүрген ғылыми қызметкерлердің бәсекеге қабілеттігін арттырмақ. 

"Бүгінгі күні заң жобасында қарастырылып отырған норма Білім және ғылым министрлігіне Ереже құру бойынша құзіреттілік беріліп отыр. Ғылыми қауымдастықпен комиссияның жұмысы және нақты қызметкерлерді таңдау критерийлері бойынша тиісті жұмыстар басталды", - деді ҚР Білім және ғылым вице-министрі Шолпан Каринова.