Жаңалықтар 11.02.2021 сағат 16:00

Елімізде көше атауын өзгертуге мораторий енгізілмек

2021 жылдың 1 қыркүйегінен Қазақстанның халық санағы онлайн басталады.
Елімізде көше атауын өзгертуге мораторий енгізілмек
Фото: ашық дереккөзі
Бөлісу
Бөлісу
Бөлісу

Қазақстанда 1 мамырдан бастап көше атауын өзгертуге мораторий енгізілмек. Мұндай ұсыныс Қазақстан Республикасының 2021 жылғы Ұлттық халық санағын жүргізу жөніндегі арнайы комиссиясының бірінші отырысы барысында жасалды, деп хабарлайды ҚазАқпарат.

«Сапалы санақ жүргізу үшін комиссия 2021 жылдың 1 мамырынан 31 желтоқсанына дейінгі аралықта әкімшілік-аумақтық бірліктерді құру, тарату және қайта құру, елді мекендердің құрамдас бөліктерінің атауын өзгерту бойынша ұсыныстарға мораторий енгізу қажеттілігін қарастырды», - делінген комиссия отырысынан кейін таратылған ақпаратта.

Осыған орай комиссия төрағасы – ҚР Премьер-Министрі Әлихан Смайылов Ұлттық статистика бюросына аталған мәселе бойынша Президент Әкімшілігінің бекітуі үшін ұсыныс әзірлеуді тапсырды.

Бұған дейін Премьер-Министрдің бірінші орынбасары Ә.Смайылов статистикалық өндірісті одан әрі цифрландыру тұжырымдамасын мақұлдаған болатын. Бұл Big Data көмегімен деректерді жинауға, респонденттерге есеп беру жүктемесін азайтуға және ресми статистиканың мейілінше сапалы болуын және ашықтығын қамтамасыз етуге мүмкіндік береді.

Айта кетейік, 2021 жылдың 1 қыркүйегінен Қазақстанның халық санағы онлайн басталады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар