Жаңалықтар 22.02.2021 сағат 01:55

Байқоңырда бір баланың мәйіті табылды

Ресейдің Тергеу комитеті балалардың жоғалу дерегі бойынша қылмыстық іс қозғады.
Байқоңырда бір баланың мәйіті табылды
Фото: Facebook.com/Нұржан Рахметов
Бөлісу
Бөлісу
Бөлісу

Байқоңырда жоғалған ұлдардың бірі өлі күйінде табылды. Бұл туралы Қызылорда облысының Төтенше жағдайлар департаментіндегілер мәлімдеді. Екінші баланы іздестіріліп жатыр, - деп хабарлайды Tengrinews.kz.

"Бір баланың денесін таптық. Мамандар мән-жайды анықтап жатыр. Екінші баланы іздеп жатырмыз", - деп мәлімдеді Төтенше жағдайлар департаментіндегілер.

Байқоңыр қаласының прокуроры Нұржан Рахметов бұл ақпаратты растады. Ол іздеу операциясы қалай жүріп жатқанын Facebook желісіндегі парақшасында бөлісті.

"Іздеу жалғасуда. Таңертеңгісімен РФ және ҚР полициясы еріктілермен бірге топтарға бөлініп, қаланы аралауға кірісті. Қазіргі уақытта судан құтқарушылар өзенді қарауда. Прокуратура және Тергеу Комитетінің ресми жарияланымдарынан ахуалды бақылауды сұраймыз және қуатталмаған мәліметке сенбеуге шақырамыз", - деп жазды ол.

Естеріңізге сала кетейік, бұған дейін Байқоңыр қаласында 20 ақпанда жеті жасар екі бала жоғалып кеткені хабарланды. "Маяк" спорт кешенінен жаттығудан шыққан екі бала жоғалуына байланысты Ресейдің Тергеу комитеті балалардың жоғалу дерегі бойынша қылмыстық іс қозғады. 

 

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар