Ұшақ апаты: қаза болғандардың аты-жөні анықталды

Алматы маңында орын алған әуе апатынан қайтыс болған әскерилердің аты-жөндері белгілі болды, деп хабарлайды Stan.kz.

КазТАГ ХАҚ-нің мәліметінше, әскери ұшақ апатынан 1987 жылы дүниеге келген майор Ғабит Барлықбаев, 1987 жылы дүниеге келген аға лейтенант Досжан Баймұратов, 1995 жылғы Мұхтар Сағынтаев және 1986 жылы дүниеге келген (кейбір дерек көздерінше 1987 жылы туған) сержант Евгений Васильков дүниеден озды. 

Айта кетсек, бұған дейін хабарлағанымыздай, Алматы қаласы маңында әскери ұшақ апатқа ұшырады. 

Кейін белгілі болғандай, әуе борты апатынан 4 адам қаза тауып, 2 адам зардап шекті.